غصين البان ميادٍ تمايل زاهيٍ ريان

عشقتك يا نظر عيني وصار الحب لي عنوان
سنين الحب يا عمري دخيلك لا تخليها

أنا ما أنساك لو طال الدهر لو طالت الازمان
حياتي كلها لأجلك من أولها لتاليها

يا أغلى شي في عمري ياروح الروح والوجدان
يا همس الروح يا حلم (ن ) سرى بي يا مداويها

يا أغلى من الذهب وأعذب من الياقوت والمرجان
يا روح الروح يا أحلام ُ ُ تداعبني آمانيها

فديتك جيت لـك كلي فديتك يا أعز إنسان
تدلل يا هنا روحي ويا راحة ثوانيهـا

أجي كلي على شأنك ولا لحظه أنا ندمان
اجي والشوق عنواني وروحي كم أداريها

أكيد الحب لك وحدك وقلبي وافي ُ ُ ماخان
وروحي وافيه بالوعد ما خانت لغاليها

ملكت الروح يا قلبي وانا لك مغرم هيمان
يا لحن الروح من شأنك عزفت أحلى معانيها

ترانيمك خذت روحي وصوتك ساحر ُ ُ فتان
ترنم بي وانا غنوه ألا ليتــك تغنيهـــا

وردد شعر محبوبك ترنم به مع الالحان
وخل الكون يترنم ويعزف لك أغانيهــا

يا روح الشعر ياهمس الغرام ومبدع القيفان
يا نبع الحب يا سحر البيان اللي يباريهـــا

ياهمس الحرف يا روح القصيد وموطن النشوان
يالذه تعتلي عن كل وصف ٍ في مباديهــا

يا زهر موطنه قلبي يا عطر الورد والريحان
يا قصر معتلي بالحب يفخر في مبانيهـا

غصين البان ميادٍ تمايل زاهيٍ ريان
سحر كل النواظر والخطى ياكود ينهيهـا

كأنه مرتكز فوق الجبل والمشي ع النيشان
يحرك خطوته والناس من حوله تراعيها

تمايل تيه ياويلي على مرساه والشطآن
تمايل والدلع فنه وغنت له مراسيهـا

وكل الكون رحب به وكلُ ُ قال انا ولهان
وبحر الحب يضحك له وغنت له شواطيها

دخيلك ما عشق غيري ولا له عشق بالأوطان
لأني له وطن وإحساس وأيامُُُ يراعيها

أنا دنياه وآماله وحلمُ ُ ماطرُ ُ هتـان
ليالي مقمره والسعد يكمل مع آماسيهـا

أكون العيد بأيامه ولا اسبب له الأحزان
ولا أجرح خافقي والروح كم قلبي يراضيها

أحبك ولا قدرت أنساك يا مدور على البرهان
سنين الحب ما زالت تسآل عن لياليها

أنا حبك سكن قلبي ولا يمكن أكون غلطان
غرامك في شراييني بروحي مختلط فيها

أحبك حب ما يوصف ولا لك بالغلا حدان
عجزت أبين احدوده وروحي عن مداويها

غرامك مشتعل فيني غرامك كأنه البركان
حمايم تشتعل والوجد بأسبابك يصاليها

دخيلك ما احتمل بعدك ولا صدك ولا الهجران
تعال أرجوك لا تبعد إذا ها الروح تغليها

تعال انعيد ذكرى الحب قبل ما تلتقي الاحضان
تعال أرجوك سامحني كفى روحي بلاويها

كفاك الظلم ياحبي كفى ياحب ما قد كان
كفى بهتان يا عمري وروحي لا تجازيها

حياتي ضايعه دونك حياتي كلها خسران
دخيلك دنيتي ضاعت إذا لحظه تخليها
مما لامس الوجدان

يسلموووو عالشعر بيجنن

شكرياات

يسلموووووو