صباح /مسآء الخير
اليوم جايبه لكم طريقة مقلوبة لذيذه جدا وغير عن المعتاد
نجي للمقادير
بصل مقطع جوانح
- فلفل رومي حبتين كبار
- لحم بقري { منقوع في خل + رشة فلفل أسود }
التوابل المستخدمة { ملح + صوص صويا حلوة + ملون طعام + زبيب ايراني "زرشك " }
* الزرشك "الزبيب الايراني " عبآرة عن رمان مجفف , موجود عند العطارين
الطريقه
نحط شوية زيت مع فصين ثوم
ونضيف عليها البصل ونقلب الين يذبل
نضيف اللحم ونقلب الين يتغير لونه وهنا حطيت البزار مشكل ونستمر بالتقليب ,
في هالمرحله مانملح اللحم عشان يستوي كويس
نضيف الفلفل الرومي
+ صوص الصويا الحلوة
+ ملح
+ شوية موية
ونخليها تستوي على مهلها الين يصير عندنا صوص ثقيل
على مايستوي اللحم نسوي الرز عادي ونخليه نص استواء
لمن تستوي اللحمة وتكون مرقتها قليله نضيف الرز فوقها
هالطريقة ونحط ملون الطعام
+ الزلمدبيب الايراني
ونكتم القدر بالقصدير ونخلي النار على lo لمدة ربع ساعه
بعدها نقلب الرز على صحن تقديم دائري وهذا الشكل النهائي
وبــــــــــــــــس بالهناء والعافيه
ان شاء الله تكون الطريقة سهله وواضحة
