كانو يسموني يتيمة / للكاتبة : غرتك دنياك

آلـ,ـسـ,ـلـ,ـآمـ,ـ عـ,ـلـ,ـيـ,ـكـ,ـمـ,ـ ض31

روايه ..(( كانو يسموني يتيمه )) ...
روايه سعوديه رومنسيه جريئه ...
للكاتبة/غرتك دنياك
آولاً:هذه الرؤآيه مو لي بس انا نقلتها لكم وان شاء الله تنال اعجإبكم
وأعيد واكرر الرواية للكاتبة/غرتك دنياك
وهذا كلام الكاتبة وروايتها:

كلمات الكاتبه : روايتي تجمع بين الحب والحزن والكوميديا والاكشن اتمنى القى تشجيع منكم وحتى لو فيه انتقادات عشان انا استفيد بعد انا كتبت روايات كثيره لاكن هذي اول روايه انزلها على النت فيه شيء منها خيالي ولاكن القصه مقتبسه من ارض الواقع انا تركت لقلمي منتهى الحريه يكتب حياه واحساس كل شخص عاشق - حزين - مجروح - مظلوم -فقير - مريض - مهموم - يتيم ...الخ

كل شخص موجود بينا يمكن انا او انتي او صديقاتنا او حتى اهلنا بس الاكيد يعيش بينا ...
ماراح اطول عليكم نبتدي بالروايه ...

بسم الله الرحمان الرحيم

البارت الاول

واقفه هي وامها عند بيت كبير تترجى امها انها تغير رايها لاكن لاحياه لمن تنادي ..

البنت ودموعها تنزل بحراره وقلبها يتقطع : يما طلبتك مستعده اسوي اللي تبينه الا هذا الشيء ..

الام وهي تمثل قساوه القلب لاكن من داخل ودها لو كانت اللي فيه حلم : يابنتي هذا الشيء انتي اللي اخترتيه وانتي اللي جبتيه لنفسك ...

البنت بدون حيله : طيب لاتحطينه الا لما اروح ...

مشت ومشت بعيد عن امها ماتدري كم .. لاكن الاهم تبعد كثر ماتقدر .. لالا حتى لو بعدت الاف الاميال عمرها ماراح تنسى لان هذا شيء منها ... لاكن هذي غلطتها من البدايه لازم تتحمل
اهون عليها تتخلى عنه .. ايه اهون...اهون من كلام الناس والفضيحه والعار اهون بكثير .. بكثير ...

الام : ( دقت الجرس وحطت اللي بيدها جنب الباب واتجهت لنفس طريق بنتها ) ....

من داخل البيت سمعت الجرس وفتحت الباب طالعت اللي بالارض شالته ودخلت فيه داخل متعوده كل يوم يجيهم نفس الحاله ...هذا شغلها دخلت فيه داخل ...

مديره الدار ( حمده ) تسال الموظفه: مين اللي دق الباب ..

الموظفه هي ترفع اللي بيدها : حاله جديده ..

حمده بحزن وهي طالع الطفل الملفوف بقماش : بنت والا ولد ؟؟ ...

الموظفه رفعت القماش وبعدين طالعت حمده : بنت ... بس استاذه ماشاءالله البنت قمر ..

حمده قربت من البنت وشالتها كانت فعلا حلوه وقالت بحزن : في ناس تتمنى ظفر جاهل وهذول يحذفون عيالهم مايبونهم ..

الموظفه : ماتدرين ياستاذه عن ظروف اهلها وايش اللي خلاهم يجيبونها هنا ..

حمده وهي تكتب بيانات الطفله : مافي اي ظرف يبرر ترك الام لعيالها ....( وبتغيير للموضوع ) خذي هالاوراق وحطيها مع الملفاات في المستودع ...

الموظفه : حاضر ...

هذا كان حال الدار كل يوم يجيهم اطفال بمختلف الاعمار والاجناس مالهم ذنب في الحياه غير انهم انوجدو عند ناس مايخافون الله ولا يحمدونه على النعمه اللي غيرهم يتمناها هذا ذنبهم ..لو كان عارف الطفل انه راح ينولد يتيم مختار يكون على هالحياه من الاساس .. لاكن لاعتراض على قدر الله ..{فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا} ...

بعد مرور 17 سنه كانت مليئه بالاحزان والافراح ...

كانت باخر الفصل تلبس عبايتها وتدخل كتبها بالشنطه وصديقاتها ينتظرونها تعودو مايطلعون الا مع بعض ...

مشاعل : ريموووه يلا خلصي ماصارت عبايه حشى عرووس ..
ريم وهي تخزها : محد قالك انتظريني يالعربجيه ..
مشاعل بعصبيه : انا عربجيه يالمايعه ..
ريم بعصبيه اكثر : هذي انوثه يالبويه مو مياعه ..
نوره بتافف : الله يعينا عليهم بدت الاسطوانه اليوميه ..
العنود بلا مباله : خليهم الحين يسكتون وكان شيء ماصار ..
نوره : والله شكل الباص بيمشي على بال مايخلصون ..
بعد ماخلصت ريم ركبو الباص اللي كان بيمشي عنهم لاكن مشاعل العربجيه لحقته هههههههه وقفته ...

البنات في مكانهم المعتاد اخر اربع كراسي بالباص... ياويل احد يقرب له تدعسهم مشاعل :black8: ابتدو يسولفون .. نوره جنبها مشاعل و ريم وجنبها العنود ..

نوره بلقافه تطالع بنت قدامها تسلم على خويها من النافذه وكاشفه وتعلك قالت لها بعصبيه : هي هي انتي وش ذا القله حياء اهلك ماربوك ..
البنت بنص عين لفت على نوره : وانتي وش دخلك ..
نوره وهي تدق مشاعل : سمعتي ميشو تقولي انا وش دخلني ..
مشاعل بعربجه : وشو .. وش دخلها ذي عريفه الباص تسجل اسماء الصايعات اللي مثلك ..
البنت طنشتهم وكملت حركاتها ..
نوره بعصبيه : شف ملعونه الخير سفطتنا ..
مشاعل : بكره علمي ابله ذكريات وخليها تطلع هالتطنيشه من عينها ..
نوره بابتسامه شريره : وانتي الصادقه ...

اما عند العنود و ريم ..ريم كانت متعرفه على بنت جديده اسمها ساره وتحكي لعنود عنها ..
ريم : اقولك مرره طيوبه وشكلها بنت عز ..
العنود بفهاوه : وش دراك ..
ريم : اقولك اليوم نقلت فصلنا وجلسوها جنبي بس الصراحه حبيتها ..
العنود : كلهم كذا بالبدابه حبوبات بس بعدين يطلعون فتانات ومنافقات ..
ريم باصرار : لا انا متاكده منها ..

و طول الطريق هم على ذا الحال سوالف و ضحك وصراخ الله يعين سواق الباص :black9: ...

اعرفكم على بطلات الروايه و بنفس الوقت هم بناات الدار

مشاعل : (( 17 سنه ثالث ثنوي ادبي انسانه عربجيه وتحب الهواش وحقت فزعاات ماتحب دلع البنات نهايئا طويله وضعيفه قاصه شعرها لين تحت اذنها لونه بني مملوحه و سمراء فاشله بالدراسه هواياتها لعب الكوره بانواعها ))

ريم : (( 17 سنه ثالث ثنوي علمي شاطره بالمدرسه غرامها الازياء والميك اب تموت بصديقاتها اللي هم خواتها بالدار لاكن ماتبين ذا شيء ساعات يكون فيها غرور خفيف
شعرها طويل واسود لين اخر ظهرها لون بشرتها قمحي وطولها وسط جميله تحب تعتني بشكلها بزياده جسمها متناسق وحلو موضعيف ولا متين ))

نوره :( 17 سنه ثالث ثنوي ادبي مع مشاعل بنفس الصف ملقوفه درجه اولى يسمونها صديقاتها <العجيز> لان شخصيتها مثل العجايز تحب القرقه والسوالف تموت لو ماتعرف اي سالفه
مشهوره بالمدرسه كل شيء تشترك فيه اضاعه مسابقات نشاطات > زود لقافه < اخبار المدرسه كلها عندها .. ضعيفه وشعرها لين كتفها اسود وفيه خصل بنيه فاتح حلوه لاكن ماتهتم بشكلها .. ونفس حالت مشاعل فاشله دراسيا .. تحب الطبخ ))

العنود ( 17 سنه ثالث ثنوي علمي لاكن بصف غير ريم مفهيه يسمونها ام سلوم اللي بفريج متفوقه بدراسته امنيتها انها تدرس بالخارج وتكون طبيبه نساءولاده ...
مليانه شوي وبيضاء شعرها لين كتفها لونه اشقر ( طبعا هي صابغته ) هوايتها القراءه ))

نرجع لروايتنا رجعو البناات الدار هم تعبانين من المدرسه كل وحده رمت نفسها على السرير وراحت بسابع نومه ...

في مكان بعيد اول مرره نروح له في احد القصور الراقيه والفخمه في الدمام على طاوله الطعام
اللي كان عليها مالذ وطاب من الاكل والخدم كان واقفين حولها وغرفه الطعام الكبيره كانو العائله جالسين عليها ....

نزل من الاصنصير في كامل كشخته واناقته متجه لغرفه الطعام كان فارس احلام بنات العائله كل بنت تتمنى يكون من نصيبها وسيم لاقصى الحدوم وشخصيته اللي تجذب لابس بدلته السوداء رسميه للشغل وجزمته السوداء ( وانتو بكرامه ) من احد الماركات العالميه وساعته الفضيه ونظارته اللي معلقها دخل الغرفه توجه الى امه وابوه وحب راسهم ...

.....: السلام عليكم ..
الكل : وعليكم السلام ..
ابوه : هلا بولدي وسندي اخبارك راشد ..
راشد وهو يجلس على الكرسي : الحمدلله بخير جعلك بخير..
ابو راشد : ها كيف الشغل الجديد معاك ..
راشد : الحمدلله تماام ...
جاله احد الخدم وحطله شوربه ...
ام راشد : ها ياوليدي متى راح تفرحني ونسوي تجهيزات زواجك ..
راشد وانسدت نفسه من الطاري : يمه ليه العجله انا توني خاطب... قلتو لي اخطب هذا انا خطبت لاكن الزواج بدري عليه ..
ابو راشد : خلي الولد على راحته يافاطمه ..
ام راشد بقله حيله: براحتك ..
دلال : راشد صح تسلم عليك فرح وتقول كلمها ..
راشد بعصبيه خفيفه وهو يطالع اخته بنص عين : انا ماكلم بنات الا اذا صارت مرتي غير كذا لا ..
دلال : عادي مافيها شيء هي خطيبتك وبنت خالك ..
راشد : والله انا كذا عاجبها زين مو عاجبها كل واحد يروح بحاله ..
ام راشد ماتبي يخترب كل شيء ماصدقت على الله راشد يخطب : لا عاجبها ماعليك من كلام اختك .. ( وغمزه لبنتها ) ...
ساره بسخريه : بنااات اخر زمن هم اللي يطلبون من الرياجيل يكلمونهم ..
ابو راشد خز ساره : ساره ...
ساره سكتت ... كملو غداهم وكل واحد ساكت العائله كلها متجمعه معدا شخص واحد بس كان مو موجود هم تعودو على عدم وجوده ...

في مكان يسود فيه الفساد ..مكان مختلط نساء ورجال .. كاسات الخمر ماليه المكان .. صوت الاغاني عاليه .. صوت ضحكات النساء العاليه .. لبسهم العاري ... اكيد عرفتوه ..
في احد الاستراحات المخصصه لفعل الحرام والمنكر جالس وحوله بنتين وهو في قمه السكر ..

بنت لبنانبه اسمها (نتالي) منسدحه على صدره لابسه فستان احمر مشابه لقميص النوم قصير وشعرها الاشقر ولون بشرتها البيضاء : راكان بيبي مو حكيت الي بدك تجيب اهلي هون السعوديه .. ( راكان حبيبي مو قلت لي راح تجيب اهلي هنا بالسعوديه ) ..
راكان وهو في قمه السكر: اجيب عائلتك كلها اذا حبيتي ...

نتالي بضحكه مايعه : لك تؤبرني شو رجال ...

سحر بنظرات حزينه مصطنعه : راكاان انا زعلانه منك خالص اوعى تكلمني ..

راكان وهو يقرص خدها : له له .. ليه الحلو زعلان مني ...

سحر بدلع اكثر : ازاي مش قولت لي حتديني فلوس ومادتنيش حاقه ...( كيف مو قلت بتعطيني فلوس وماعطيتني شيء ) ...

راكان رمى كل اللي في جيبه عليها : انا تحت امرك ياقميل ههههههه ...

واستمر على ذا الحال هو سكران و هم يسحبون منه كل اللي يبون هذا هو طريق الفساد الله يهدي الجميع ...

نرجع لدار ... البنات لما قامو من النوم تغدو وراحو يطالعون التلفزيون ملاحظه الدار مو للحكومه هذا لرجل اعمال هو متبرع فيه وهو عباره عن بيت كبير فيه عدد قليل من البنات بمختلف الاعمار ومقسم لغرف ... الغرفه اللي كانو فيها بطلاتنا رقمها 4 ..

مشاعل وهي تسحب الريموت من ريم : جيبي الريموت ..لادوس بطنك ..
ريم وهي تسحبه لجهتها : انا اخذته قبلك ..
مشاعل بعصبيه : مانبي نتابع المايقات حقينك ..( تقصد محطه الاغاني اللي حطتها ريم ) ..
ريم بعصبيه اكثر : واحنا مو اولاد نتابع مصارعه ..
دخلت عليهم مديره الدار ( حمده ) بصرااخ : بناات ..
خافو البناات والتفتو عليها تكلمت ريم : ماما حمده شوفيها بتحط مصارعه احنا مو اولاد ..
مشاعل : ولا انا ماابي اتابع اللي تحطه هي ياعرض ازياء والا اغاني ..
حمده بعصبيه : انتي وهي عقابا لكم مافي تلفزيون كل وحده على غرفتها يلا ..
مشاعل و ريم : اوووف ..
وراحو غرفتهم وكل وحده تتوعد بالثانيه ..

في بيت ابو راشد الكل كان طالع ماعدا ساره... وراشد كان نائم دلال رايحه لبنت خالها فرح ( خطيبت راشد ) وابو راشد بالشغل كالعاده وام راشد طالعه لاحد الجمعيات النسائيه وراكان بالاستراحه مع شله السوء.. ساره قاعده تفرفر بالتلفزيون وطفشانه دائم هذي حالتها محد معبرها الكل يطلع وتبقى لوحدها طلع راشد من الاصانصير وهو كاشخ مشى مستعجل وقفه صوت ساره ..

ساره : راشد وقف ...
راشد لف عليها : نعم ..
ساره : طالع ..
راشد : ايه ..ليه ؟؟..
ساره شوي وبتصيح :تكفى خذني معااك ..
راشد مبقق عيونه : وين اخذك معي ..
ساره بترجي : اي مكاان تكفى .. والا بموت اذا قعدت لحالي ..
راشد : اجل وين امي ودلال ..
ساره : كالعاده امي بهالجمعيات ..ودلال رايحه عند اللي ماتتسمى ..
راشد باستغراب : مين ذي ؟؟..
ساره : مين غيرها فرحووه ..
راشد ضحك على كره اخته لخطبيته : طيب يلا لبسي عباتك وتعالي هالمره بس عشان بطلع مع ولد عمي مشعل ناخذك معانا و ....
ساره بدون لاتسمع كلامه الباقي بسرعه راحت تلبس عباتها قبل لايغير رايه ..
لبست عباتها وطلعو ركبت سياره مشعل كان.. قدمها اخوها ومشعل جنبه هو اللي يسوق ..
ساره : سلام مشعل ..
مشعل بضحكه : هلا وغلا بنت العمه تو مانورت السياره ..
راشد يطالعه بنص عين يعني دائم يروح معاه مايقولها ذا الكلام ..
ساره بخجل: منوره باهلها ..
راشد : اقول شرائك تمشي ترا طولتها ..
مشعل : خخخخخخخخخ ...
مشو متوجهين الى جياان

بنفس الوقت كانو بناات الدار يتجهزون لانهم بيرحون جيان رحله من الدار ...

خلص البارت الاول القاكم في بارت جديد باذن الله انشاءالله الاقي حمااس منكم
مين تتوقعون بطله الروايه من بطلاتنا الاربع ؟؟
هل راح يلتقوت ابطالنا في بعض والا لا ؟؟
فرح خطيبه راشد ليه تكرها ساره ؟؟
بنات الدار هل راح يتعرفون على اهلهم ؟؟

والمزيد في البارت القادم راح يكون مليء بالتشويق واحداث اكثر انتظروني ... -_^

بقلمي : غرتك دنياك ..^^

ماحلل النقل دون ذكر الاسم ..

شكلهإ حمإإسس
بس إفضضى رإح إقرإههإ ..~
متششككرةة إوي ع آلموضوع آلجميل ممثلككِ خزومتيَ
بإنتظظإر آلقإدم ..
ميشوو

ممممَـنووورهةة ي رؤؤووححَ خخزوممممِـأإ ..:)

الحيين موو فااضيه
لماا افضى
اوعدك اني باقرااهاا

ككككككككككككككوووووووملي

مممـنننوووريييَـنن ففدييتكمم ^^

البارت الثاني ...

بنفس الوقت كانو بناات الدار يتجهزون لانهم بيرحون جيان .. رحله من الدار ...

مشاعل وهي تدور بالدولاب : بنات مين عندها جوتي ( وانتو بكرامه ) ابيض ..

العنود : انا عندي ..شوفيه تحت التسريحه ..

مشاعل طالعت تحت التسريحه : ايه لقيته ..

ريم وهي تحط الروج وتطالع بشكلها بالمرايه وبصوتها العالي : نوييير... ماصار دوش تراا بنروح ونخليك ..

نوره وهي طالعه من دوره المياه ( وانتو بكرامه ) تنشف شعرها : خلاص طلعت ...

كملو البنات لبسهم ... وبعد ماخلصو اتجهو للباص وهم فرحانين بالرحله اللي اعدوها لهم الدار ..

استاذه حمده : بناات اللي اقول اسمها تقول نعم ..

جواهر: (نعم) ..تهاني: (نعم)..خديجه: (نعم ) ...ريم : بكل نعومه (نعم)...ميعاد: (نعم) ..

مشاعل: باقوى ماعندها ( نعممممممممممممم) ..

نوره توخر اذنها عن مشاعل : يمال الوجع بطيتي اذني ..

استاذه حمده : العنود .... ( محد رد عليها ) ....قالت بصوت اعلى ..العنود : ها ..ايه ..موجوده ..

ريم باستهزاء : الحمدلله على السلامه ...

وكملت ذكر الاسماء ..

*************************************

اما عند راشد و مشعل وساره وصولو جيان وجلسو بكوفي شوب .. طلبو لهم قهوه وكيك ..

مشعل يكلم ساره : الا اي سنه انتي ساره ؟؟..
ساره بدون ماتطالعه : انا اخر سنه ثالث ثنوي ..
مشعل : موفقه انشاءالله ..علمي والا ادبي ؟؟ ..
ساره : اجمعين ...علمي ..
راشد يطالع مشعل : محسسني انك اول مره تشوفها ..
مشعل تفشل وحب يرقع السالفه : لا مو كذا بس من زمان عن اخبارها ..
ساره حست مشعل تفشل : لا عادي خذ راحتك ( ماصدقت على الله ) ...
نخليهم يكملون نسوالف ونروح لمكان ثاني ..

**************************************

عند دلال اللي كانت بيت فرح دلال جالسه على سرير فرح وفاتحه الاب توب بحضنها وفرح تطقطق على البلاك بيري ..
فرح بملل: اقول دلو اخوك ماقال بيكلمني ...
دلال مركزه بالاب مو يم فرح :.........
فرح عصبت وقامت سكرت الاب عن دلال
دلال : اوف منك ليه ...
فرح باستهزاء: لو ماعرفك بقول ذي ماعندها لاب بالبيت .. شفيك اكلمك ..
دلال : نعم ..شتبين ..
فرح جلست على السرير مقابل دلال : اقولك اخوك ماقال بيكلمني ..
دلال كانها تذكرت شيء : سكتي اليوم مو قلت لها ..
فرح بقله صبر : ايه وش قال ..
دلال وهي حاطه يدها على قلبها : سكتي عطاني نظره ...خفت على نفسي ..
فرح بغرور : اخوك ذا شايف نفسه بس انا اللي بجيب راسه زي ماجبت غيرها ..
دلال بسخريه : تقدرين على اي احد الا راشد صدقيني ..
فرح بغرور اكثر وثقه : مو انا اللي مقدر على رجال ..
دلال بلا مباله : عاد هذا اللي انتي اخترتيه تحمليه ..مدري شعاجبك فيه ..
فرح وهي تكلم نفسها ( قال شلي عاجبك فيه ..مال وجاه ..وشخصيه وجمال ..وكل البنات يتمنونه ) ..
دلال تحرك يدها قدام وجه فرح : الووو ...الووو ..
فرح تو تنتبه : ها .. وش تبين ؟؟ ..
دلال وهي تصفق يدها بعض : لا شكل راشد بدا ياخذ عقلك من الحين ..
فرح بغرور : مسكينه لا راشد ولاغيره انا اللي ابيه باشاره اجيبه لي ..
دلال : اقول خلي عنك راشد وقولي لي اخبار مشعل ..
فرح : تمام ..
دلال : ماقال عني شيء ..
فرح : ولاجاب طاريك ابد ..
دلال : انشهد انا اخوك خقه ..
وكملو سوالفهم على هالطريقه الشباب والجوالات والازياء وغيره ..و زي مايقولون وافق شن طبقا ...

***************************************

عند بنااات الدار دخلو جيان وكل مجموعه بناات راحو في مكان ...اللي عند الالعاب واللي بالمحلات واللي عند المطاعم ..
ريم و العنود و مشاعل ونوره الرباعي المشاكس كانو مع بعض ..

ريم تاشر على محل : بناات شوفو ذا المحل شكله خطير امشو نروح له ..
البناات : اوكي ..
دخلو المحل وطبعا ريم مافي قطعه ماشافتها ونوره كل ماشافت الاسعار انهبلت وعنود جلست على الكرسي وسفطتهم اما مشاعل مو عاجبها المحل بكبره .. طالع بالملابس باحتقار لانه اغلبها كانت عريانه وطبعا هالاشياء ماتعجب ميشوو..

ريم رافعه بلوزه بيدها : بناات شرايكم بذي البلوزه مع بشرتي تطلع واو ..( كانت شايله بلوزه بنفسجيه بدون اكمام وعليها كرستالات موف ) ..
نوره على طول شافت بطاقه السعر و شهقت : ول ..ول ..250 على بلوزه.. هذي تأكل عائله مده اسبوع..اللهم لاتجعلنا من المبذرين ..
ريم سحبتها من يدها : صدق عجيز وخري بس ..

************************************

عند ساره ومشعل و راشد كانو يمشون و طبعا ساره شافت المحل اللي تحبه ...
ساره بلهفه : راشد بليز وقف شوي بدخل ذا المحل ..
راشد : صدق البنات ماينعطون وجه ..الحين بتقعدين سنه داخل ..
ساره بترجي : لا تكفى شوي و اطلع ..
مشعل يمثل دو الحنون : حراام ..عشان خاطري خلها تدخل ..
راشد طالعه بنص عين : من متى تحن على البنات ..
مشعل لثاني مره تفشل من كلام راشد : من عمري وانا حنون ..
راشد : اي واضح ..(وطالع ريم يكلمها ) يلا دخلي بس بسرعه عشان بنطلع ...
ريم ماصدقت على الله بسرعه دخلت واول مامشت اصدمت في وحده : اسفه اختي مدري ..
.... : ساره صح والا انا غلطانه ..
ملاحظه : ( ساره تكشف مجرد عبايه كتف وحجاب ) ..
ساره وهي تطالع البنت اللي قدامها مو عارفتها لانها لابسه عبايه راس و متغطيه : ايه ساره ..بس انتي مين ؟؟...
ريم : انا ريم اللي جلستي جنب اليوم بالدرسه اكيد ماعرفتيني من الغطاء ..(ورفعت غطاتها شوي لساره ) ..
ساره وهي فرحانه لشوفت ريم ضمتها بقوه : هلا وغلا ريم اول يوم نتعرف على بعض ونشوف بعض بره المدرسه .. صدق ونااسه ..
تو ريم بترد الا جاتها نوره بلقافه : ماعرفتينا على الحلوه ريم ...
ريم وهي تاشر عليهم : اعرفكم على بعض ..ساره صاحبتي بالمدرسه .. نوره اختي معاي بالدار ..
نوره : و اخيراا شفناك ياساره ..( حبت تتفلسف اكثر) ..ريم ماعندها سالفه غيرك كل يوم تجيب طاريك ..
ساره بضحكه : صدق .. غريبه انا لسه متعرفه عليها اليوم ..
نوره بطيحه وجه قويه حاولت تصرفها : اجل يمكن ساره وحده ثانيه ..على العموم تشرفنابمعرفتك ..
ساره بابتسامه : وانا اكثر ..
ريم تجر يد ساره تعالي بعرفك على خواتي الثانيات وصلت عند مشاعل اللي واقفه وعنود جالسه على الكرسي اشرت على مشاعل : هذي ميشو ..

ساره مدت يدها وبابتسامه: هلا والله ..
مشاعل مدت يدها وبادلتها الابتسامه : هلا بك زود ..

ريم وهي تاشر على العنود : و هذي العنود ..
سلمو على بعض وجلسو يسولفون شوي بالمحل راعي المحل متعود على الوضع ...لما اتاخرت ساره على راشد ومشعل دخل راشد المحل شاف اخته واقف مع مجموعه بناات .. مشى لما وصل عندهم وطالع ساره : يلا ساره مشينا ..

البناات التفتو على الصوت اول ماشافوه خققو مالومهم عليه جمال وشخصيه تجذب .. كل وحده منهم مبققه عينه من وراء النقاب راشد متعود على الوضع رفع حاجبه و عطاهم نظره غرور خلت كل وحده تلف عنه ...

ساره : راشد هذول صاحباتي بالمدرسه ..
نوره بتميلح : خلها تجلس شوي ماشبعنا منها ..

سفها راشد وسحب ساره من يدها و مشوو ..
اول ماطلع من المحل فقعو البناات ضحك على نوره اللي كان واضح انها تميلح لاكن هو ماعطاها وجه ...
نوره بعصبيه : صدق مغرور.. الا شيطلع لها ريم ..
ريم : اكيد اخوها والا كان مامسك يدها ..
مشاعل بضحكه : هههههههه طالعو عنود بالله زود على الفهاوه فهت زياده ..
ريم و نوره : هههههههههههههه

*************************************

عند مشعل وراشد وساره بالسياره ...
راشد يتحلطم : بنات اخر زمن كل وحده مبققه عينها ... لا وبقواه عين ( يقلد صوت نوره ) خلها تجلس شوي ماشبعنا منها ..
مشعل وساره ماسكين ضحكتهم لانهم عارفين انه يتنرفز من البنات اللي كذا .. طول الطريق وهو يتحلطم .. لما وصلو البيت ..

********************************

اما عند البنات فنسو سالفه ساره واخوها وقضو اليوم و هم مبسوطين ..رجعو لدار بانتظار يوم جديد يكون احلى من اللي قبله ...

***************************************

يوم جديد يطل على ابطال روايتي الكل صاحي بدري ونشيط بناات الدار متجمعين على طاوله الطعام وكلن بهمه سرا اللي يذاكر واللي يحل الواجب واللي يحفظ واللي يسولف ...الخ

ريم تاشر على الكتاب تكلم عنود: هذا معانا بالاختبار ..
عنود وهي تاشر على نفس المكان : اللي مخطط بس اما الباقي للقراءه فقط ..
ريم : اهاا ...

مشاعل تكلم بنت اسمها هاجر : مين اللي طقتك أي وحده فيهم ..
هاجر : اللي اسمها مريم ...
مشاعل تفكر : امممممم .... مدري ماعرفهت لاكن شوفي اليوم بالمدرسه اشري لي عليها ..وابشري باللي يسرك ..( قايله لكم البنت حقت مشاكل ههههههه) ....

نوره تلقط سوالف من البنات كالعاده....
وصل الباص توجهو البناات للمدرسه ....

**********************************

اما في بيت ابو راشد دخل راشد غرفه الطعام و ماحصل الا امه حب راسها و جلس ...
راشد : صباح الخير يالغاليه ..
ام راشد : صباح النور ..
راشد باستغراب : غريبه مافي احد اليوم ..
ام راشد : ايه اخوانك راحو مدارسهم بدري و ابوك كلموه الشركه و طلع اما راكان كالعاده من امس ماجاء البيت ..
راشد يهز راسه على اللي يسويه اخوه : الله يهديه ...
ام راشد من قلب: امين ..
فطر وطلع لدوامه اما ام راشد راحت لصاله الرياضه في القصر عشان تحافظ على جسمها ...

***************************************

البناات في المدرسه ريم وهي تذاكر بسرعه قبل لاتجي الابله عليهم اختبار اول حصه : لو قلنا هذا في ذا يعطينا.....اممممم 25 ونقسمه ....اوكي تمام ..

ساره : ريم وش فيك تكلمين نفسك ..

ريم وهي تطالع الكتاب : اذاكر ..

دخلت المدرسه و بدو الاختبار ...

في صف العنود كانت تشرح للبنات درس وهي مبسوطه كانت هذي درجه النشاط ...والابله معجبه بطريقه العنود كلامها واسلوبها في الشرح كان الفصل هدوء والكل يصغي لها ..

في فصل مشاعل و نوره ...
نوره مسويه فيها وجالسه تفتي للبنات عن حكم تشقير الحواجب ..
البنت : انا سمعت انه حراام ..
نوره : لا التشقير مو حرام لاكت قص الشعر بعد التشقير اختلفو في حكمه لاكن بالنهايه أي شيء فيه تغير لخلقه الله حراام ..
البنت باقتناع : صادقه ..

اما مشاعل كانت منحاشه من الحصه وتتمشى مع وحده معجبه فيها ..( هذا حال البنات الحين بنت تعجب بنت والعياذ بالله )....

**************************************

راشد كان في شركته الجديده توه من يومين مستلمها ..
راشد وهو يوقع : حمد ...
حمد السكرتير : نعم استاذ ..
راشد وهو يمد اوراق بعد ماخلص من التوقيع : أي اوراق تحتاج لتوقيع جيبها لي الحين ...
حمد : انشاءالله ..
راشد : و لاتنسى تكلم الشركه الثانيه يجيبون العقود ..
حمد : على امرك ..
راشد وهو ياشر له : تقدر تتفضل ..

طلع حمد وبنفس الوقت دخل ابو راشد
راشد اول ماشاف ابوها قام من محلها وحب راس ابوها
ابو راشد بابتسامه: حبتك العافيه ..
راشد : اللي يعافيك ..
راشد سحب الكرسي لابوه وجلسه مكانه احترم له ..
راشد : تفضل يبا ..
ابو راشد : دام فضلك ... ماشاءالله الامور ماشيه تمام بالشركه ..برافو عليك ياولدي...
راشد : انا تلميذك يبا ..
وبدو يتكلمون عن الشغل وامور الشركه والاسهم ...

**********************************

في بيت ابو راشد ام راشد كانت تكلم اخوها ابو مشعل ..

ابو مشعل : البنت مانقدر ناخرها اكثر من كذا .. انتي عارفه عيال عمها يبونها ..
ام راشد : ادري والله .. لاكن ولدي و انا اعرفه اذا حنيت عليه اكثر بيلغي فكره الزواج مره وحده..
ابو مشعل : انا بنتي الف من يتمنااها لاكن انا ماتمنى زوج لبنتي الا راشد لاني عارفه وبامن على بنتي معاه ...
ام راشد : و انا والله ..يوم المنا اللي اشوف فرح في بيت راشد .. لاكن شباب هالوقت يبون كل شيء على كيفهم ..
ابو مشعل : الله يهديهم ..

***********************************

في المدرسه وقت الفسحه ريم وعنود و نوره جالسين ياكلون مكانهم المعتاد تحت الدرج .. ومعاهم ساره جديده على الشله ...

ريم : الا وين ميشو ماشفتها اليوم ..
نوره : عندها هوشه ..
العنود مبققه عيونها : احلفي .. مع مين ؟؟...
نوره : والله ... مع البنت اللي طقت هاجر امس من سنه ثانيه ادبي ..
ساره : ومين هاجر ؟؟....
نوره : وحده معانا بالدار ...
ريم: بناات شرائكم نروح نشوف الهوشه ونشجع ميشوو..
البنات بحماااس : يلااااا

اول ماوصلو البناات كانت الهوشه حاميه مشاعل كانت ماسكه البنت من شعرها وتسحبها والبنات يصفقون لمشاعل لما البنت دفت مشاعل عنها وقامت البنت كان شعرها منكوش وجها مشمخ وشفايفها كلها دم قالت بعصبيه : هين ياللقيطه انا اوريك...

مشاعل توها بطقها لاكن جمدت مكانها هذي الكلمه قلبت كل موازينها حست نفسها ضعيفه مهزوزه ...طالعت وجوه البنات شافتهم يبتسمون باستهزاء طالعت في البنت بنظراات قهر وقله حيله رجعت لوراء وركضت لدورات المياه دخلت اول حمام وقفلت عليها منو كان يصدق مشاعل الجبروت اللي كل بنات المدرسه يخافون منها تهزها كلمه وحده بس ..ركضو وراها نوره والعنود وريم وساره
شخصيتها ريم وهي تدق باب الحمام : ميشو ماعليك منها لاتهتمين لكلامها هي منقهره منك ...
العنود : ميشو انتي اكبرمن هالكلام لايهزك..
نوره : مشاعل تكفين افتحي الباب ...
ضاع الكلام كله لما سمعو صوت انين وبكاء مشاعل ...مشاعل اللي ماتخاف لا من ضرب ولا كلام الدنيا كله هزتها كلمه وحده .. لقيطه أي صح لقيطه البنت ماقالت شيء غلط انا فعلا لقيطه ... ماعندي اهل..عايشه في دار مع بناات مثلي .. مدري أي مكان لقوني فيه يمكن مسجد لالا يمكن محل و لايمكن حتى جنب زباله .. طالعت في السقف نزلت دمعه حاره على خدها ..
مشاعل : يارب ليه عشت في هالدنيا ..ليت امي يوم تركتني ذبحتني قبل لاتروح ..ليت القدر كان غير ليت كانت عندي ام بس مو لازم ابو او حتى ليت اعرف اسمي .. يارب ارحمنا برحمتك الناس ماترحم ...بكت وبكت بصوت واطي مايسمعه احد الا هي ورب العالمين ..

بعد ماخلصت بكي طلعت من دوره المياه (وانتو بكرامه ) لقت البنات عند الباب ينتظرونها مشت وماتكلمت لاكن نظرات عيونها تحكي كلام كثير ..صديقاتها.. ماحبو يضايقونها ماكلموها .. دق الجرس وكل وحده توجهت لفصلها ..

انتهى الدوام وكان يوم مؤلم لمشاعل كلمه وحده غيرت حياتها ماكانت تفكر فيها لاكن من يوم و رايح راح تحطها قدامها ...

*****************************

على البيت البنااات ينتظرون الباص اللي تاخر عليهم شوي ...
ساره تكلم ريم : تعالوا ..اوصلكم معاي ..
ريم : لا الباص جاينا ..مشكوره سارونه ..
ساره : على راحتكم ...

راكان كان طالع من الاستراحه وفي قمه السكر ركب سيارته وهو حده دايخ ساق السياره وهو فاقد وعيه متجه لبيتهم وهو ماشي بالطريق شاف البنات طالعين من المدرسه ..
راكان بابتسامه شيطانيه: اوه ..اوه بناات كثير...والله حلو .اروح اضبط لي كم وحده..

مشى بسرعه بسياره متجه لعند البناات..

البناات واقفين قدام المدرسه العنود اول ماشافت الباص جاي من بعيد خطرت الرصيف ومشت بالشارع تبي تركب بالباص اول وحده لاكن في شيء سبقها .....

طااااااااااااااااااااااااااااااااااااااااااااااااا اااااااااااااااااااااخ
العنود طارت بقوه وطاحت بنص الشارع وراكان ماقدر يتحكم في السياره الا لما صدم بالرصيف من كثر ماكان خايف من اللي صار وعى ..

ريم نوره و مشاعل وساره وبناات المدرسه راحو ركض لعند العنووود ..
ريم شافت عنود مغطيه بالدم قامت تهزها : عنوود عنوود حبيبتي ردي علي ..
نوره بعصبيه : لحد يقرب ...طلبو الاسعاف ..بسرررعه ..

مشاعل راحت لراكان اللي كان نازل من السياره ومو عارف شيسوي ضربته على صدره باقوى ماعندها : لهدرجه احنا و لاشيء عندكم ليه ؟؟ ....ليه ؟؟
جاتها ساره تبي تفكها من الرجال اللي تضربه لاكن انصدمت لما شافت وجه الرجال ..ايه اخوها ساره بعدم تصديق : رر ..راك ..راكان ..
راكان زاد خوفه وماعرف شيرد ..
ريم جاتها نوبه بكاء المعلمات تجمعو وطلبو الاسعااف البنات كانو في حاله يرثى لها نوره كانت ماسكه اعصابها تهدي صديقاتها اللي شافو صديقتهم تنصدم قدامهم .. الاسعاف شالو العنود كانت شبه جثه ..

انتهى البارت الثاني اتمنى يكون عجبكم انشاءالله البارت القادم راح نتعرف على الشخصيات اكثر واحداث اروع ....

ايش راح يصير لعنود ؟؟
راكان ايش راح يسوي ؟؟
ساره وش ردت فعلها لما شافت اخوها ؟؟
البنت اللي تهاوشت مع مشاعل شنو راح تسويلها والا بتعديها لها ؟؟

وسؤال اللي دايم راح نكرره ..
مين من البناات الاربع بطله الروايه ؟؟

كل هذا واكثر بالبارت القادم تابعوني ...^^

بقلمي : غرتك دنياك ..
ماحلل النقل دون ذكر الاسم ...

» يرضيڪ يَ يمه بـ « لقيط الدآر » يسموني !
» جعلتيني مجرماً . للكاتبة : ديما القطبي